لما تكون العلاقة عبارة عن سيد و عبد .. مخلوق اعلي مع خلوق ادني .. مخلوق قوى واخر ضعيف .. شيئ غير مفهوم في اطار اننا المخلوق ذاته والفرق الوحيد ان كل منا له جهاز ثناسلي مختلف فقط ؟؟
كنت في مؤتمر يتحدث عن العنف ضد المرأة و المحاضرة دكتورة كبير في شئون المرأة وسيدة اعتز بها ولها فضل علي كثير .. المهم قالت الدكتورة ان العنف ضد المرأة ليس من عاداتنا ومعتقداتنا وان البعض يسئ للاسلام فيما يخص ضرب المرأة .. وان الضرب في الاية ليس الضرب الجسدي بل لضرب المثل .. فيه تفسيرات ان الله يضرب المثل ؟؟؟
NO
الرِّجَالُ قَوَّامُونَ عَلَى النِّسَاء بِمَا فَضَّلَ اللّهُ بَعْضَهُمْ عَلَى بَعْضٍ وَبِمَا أَنفَقُواْ مِنْ أَمْوَالِهِمْ فَالصَّالِحَاتُ قَانِتَاتٌ حَافِظَاتٌ لِّلْغَيْبِ بِمَا حَفِظَ اللّهُ وَاللاَّتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلاَ تَبْغُواْ عَلَيْهِنَّ سَبِيلاً إِنَّ اللّهَ كَانَ عَلِيًّا كَبِيرًا
قال ابن عباس: {وَاللاتِي تَخَافُونَ نُشُوزَهُنَّ} هنَّ النساء العاصيات المتمردات أي واللاتي يتكبرن ويتعالين عن طاعة الأزواج فعليكم أيها
الرجال أن تسلكوا معهن سبل الإِصلاح وما هى تلك السبل؟؟ {فَعِظُوهُنَّ وَاهْجُرُوهُنّ َفِي الْمَضَاجِعِ وَاضْرِبُوهُنَّ}.. ا
الايه واضحة وصريحة جداً وبها اكثر انواع العنف ضرر بالمرأة وهو العنف الجسدي و العنف النفسي ايضاً .. فهجر المرأة في المضاجع اى الامتناع عن ممارسة الجنس معها في حين ان الرجل لديه ما ملكت ايمانه و زوجات اخريات وووو .. يشكل ضرر نفسي على المرأة
اما فيما يخص الضرب فكثر التفسيرات من ضرب باليد او القدم او الدفع او بالسواك .. ما الضرب ضرب ولا ايه ؟؟؟
الناس بتضرب الاطفال و النساء لقلة العقل والدين ولان الاطفال والنساء بلا وعى ويجب تهزيبهم و تعديلهم
انا مش بهاجم الاسلام من قريب او بعيد .. انا بحكي واقعة حصلت في احد المؤتمرات و بعرضها على اصحابي فقط .. وارجو ان لا يفسر الموضوع احد بانه هجوم على الاسلام لان الاسلام مش محتاجني انا اهجم عليه ولا حاجة
الصورة النمطية للمرأة
انظروا الى تلك الصورة للحظة
المرأة هى الجنس و الرغبة مخلوق تافه لا رجاء منه سوى ممارسة الجنس رسالتها زيادة البشرية من حيث الكم .. اما الرجل او الممثل الشرعي للبشرية فهو المثقف والعالم والمحترم له رسالة وهى النهوض بالبشرية من حيث الكيف
ينظر الكثير و الكثير للمرأة على انها مشروع جنسي متحرك يجب حجبه عن انظار الجميع واستباحته في الخفاء .. لن يستمر ذلك كثيراً ففي العالم ناس محترمين ينظرون للمرأة على انها انسان عاقل لا ينقصه شيء .. تحمل فكر ورسالة
35 comments:
حبيبة قلبي اجمل ورده
يمكن للمره الاولي هاختلف معاكي
انا ضد الضرب بكل اشكاله لأن الحوار هو انسب و اسلم الحلول
هاختلف معاكي في مسألة الاسلام و المرأه
الرسول قال خيركم خيركم لاهله و انا خيركم لاهلي و طوال حياته لم يعرف عنه انه لطم او ضرب امرأه قط بل كان يحسن معاملة جميع زوجاته
و انا مع الرأي الي بيقوفل ان الضرب كان فقط بالسواك يعني مجرد لمسه خفيفه و ده مع نوع معين من النساء الي بيفشل معاهم كل انواع الحوار و التفاهم و ده بيكون اخر خطوه و طبعا خطوه غير محببه لان لم يرد عن الرسول او الصحابه ضرب النساء ده الجزء الي اختلف معاكي فيه
المرأه كائن مكتمل جدسديا و فكريا مش مجرد وسيله للترفيه عن الرجل و ليها نفس الحقوق بتاعته ماحدش احسن من حد
تحياتي ليكي يا جميله
please check ur mail
LoveofEgyptحبيبة قلبى
كان نفسى أكون أول من يعلق ولكن سبقتنى إيمى/وأنا أختلف معاها يعنى إختلاف ألإختلاف موافقه وعلى طول الخط مع روزا حبيبة قلبى
ياروزا المسلمين يتحلون بالجمود الفكرى ولا يتزحزحزن قيد أنمله عما قيل أنه كان من أفعال نبيهم أو مما فسره ألأقدمون منذ ألف سنه أويزيد لقرآنهم
سواء أكان يتماشى مع العقل أم كان يطمسه،ولكن حدثت متغيرات جعلتهم يتحولون عن ضلالهم ولو قليلآ،لأن ألآن يوجد ما يسمى بحقوق ألأنسان،وأصبحت المرأه تجد لها مدافعين ورافضين للفكر القمىء حتى ولو كان نصآ
ما يقولونه اليوم فى ضرب المرأه الذى يتلذذون به ويثبتون عن طريقه رجولتهم وعنفوانهم وسيادتهم أن الضرب يكون بالمسواك؟؟؟وأنت تعرفين قوام المسواك أنه كالقش!!؟؟
وفيه مثل بيقول:إذا كان إللى بيتكلم أهبل يكون المستمع عاقل
دول ناس عايشين فى كهوف فكريه ولن يتبدل حالهم ووهمهم الذى يسيطر عليهم ويقول أنهم خير امه أخرجت للناس؟؟فين هيه ألأمه دى وعلى فكره العلوم والحضاره التى كانت فيما مضى لم يكن للعرب ألأجلاف أى فضل فيها بل كان مبعثها الفرس واهل العراق واهل الشام
طبعآ فكرة أن المرأه ماهى إلا وعاء فكرة قميئه ومازالت تسيطر على الرجل الشرقى المسلم للأسف الشديد
الزمن كفيل بتغيير كل تلك ألأفكار الباليه..فصبرآ
عزيزتى
مش عارف انتى عندك نقص ولا عقدة للاسف مش كل راجل سيد ولا كل ست عبد وساعات المرأه تكون هى السيد والرجل العبد اللى بيشقا ويتعبوكويس انك عارفة معنى واللاتى تخافون نشوزهن
واكيد لازم يكون لاى واحدة عقاب على اى غلط تعمله ونفرض انها مظلومة وان الرجل ظالمها ليه تعيش معاه من حقها الطلااق والخلع كمان اصل الجواز مش ابدى
اكيد الرجل لازم اللى يكون ليه عدة زوجات لان طبيعة الرجل ممكن يتمنا اكتر من امرأه لاكن الست مش بيتتمنا الا راجل فطره وطبيعة بقه
واكيد تفرق ضرب عن ضرب وشوفى الاحاديث والايات دى لسه حطتها فى بوستى الاخير يا ريت تقريه وتفهميه
((فإن خفتم ألا تعدلوا فواحدة أو ما ملكت
أيمانكم ذلك أدنى ألا تعولوا))[ النساء / 3 ]
ولن تستطيعوا أن تعدلوا بين النساء ولو حرصتم)) النساء / 129
وقول رسول الله صلى الله عليه وسلم
" سووٌا بين أولادكم في العطية
فلو كنت مفضلاً أحداً لفضلت النساء )
قال صلى الله عليه وسلم : ( اسْتَوْصُوا بِالنِّسَاءِ خَيْرًا ) رواه البخاري
( خَيْرُكُمْ خَيْرُكُمْ لأَهْلِهِ وَأَنَا خَيْرُكُمْ لأَهْلِي ) رواه الترمذي
وروى ابن ماجه عن عُقْبَةَ بْنَ عَامِرٍ رضي الله عنه قال : سَمِعْتُ
رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ : ( مَنْ كَانَ لَهُ ثَلاثُ بَنَاتٍ ،
فَصَبَرَ عَلَيْهِنَّ ، وَأَطْعَمَهُنَّ وَسَقَاهُنَّ وَكَسَاهُنَّ مِنْ جِدَتِهِ كُنَّ لَهُ حِجَابًا
مِنْ النَّارِ يَوْمَ الْقِيَامَةِ ) وصححه الألباني في صحيح ابن ماجه
:(...اتَّقوا الله في النساء ، فإنَّكم أخذتموهنَّ بأمانة الله ،
واستحللتم فروجهنَّ بكلمة الله ، وإنَّ لكم عليهنَّ أن لا يوطئن فرشكم
أحداً تكرهونه ، فإن فعلن فاضربوهنَّ ضرباً غير مبرح)
وقال أبن عباس
عن ابنِ عُمَر: "أَنّ رَجُلاً أَتى النبيّ صلى الله عليه وسلم
فقال: يا رسولَ الله إنّي أَصَبْتُ ذَنْبَاً عَظِيماً فَهَلْ لِي تَوْبَةٌ؟
قَالَ هَلْ لَكَ مِن أُمّ؟ قالَ: لا، قال: هَلْ لَكَ مِنْ خَالَةٍ؟
قَالَ: نعم قال: فَبِرّها)شوفتوا خاله مش خال
(مروا النساء في أنفسهن، فإن الثيب تعرب عن نفسها.
وإذن البكر صمتها
و يقول : ( احملوا النساء على أهوائهن
[أي زوجوهن من يرتضينه، إن كان كفؤا
و يقول صلى الله عليه و سلم :لاَ تُنْكَحُ الأَيّمُ حَتّى تُسْتَأْمَرَ
وَلاَ تُنْكَحُ الْبِكْرُ حَتّى تُسْتَأْذَنَ»
قَالُوا: يَا رَسُولَ اللّهِ كَيْفَ إذْنُهَا؟ قَالَ: أَنْ تَسْكُتَ
فعن خنساء بنت خذام أن أباها زوجها وهي ثيب فكرهت
ذلك فأتت رسول الله صلى الله عليه وسلم فرد نكاحه
وخدى بالك من دى لانك اكيد مقرتهاش
و يقول صلى الله عليه و سلم : )أى رجل لطم امرأته لطمة
أمر الله عز وجل خازن النيران
فيلطمه على حر وجهه سبعين لطمة من نار جهنم)
( لا يفرك مؤمن مؤمنه إن كره منها خلقا رضى منها آخـر)
( إنما النـســــــــــــــاء شقـــــــــــائق الرجــــــــــــــــال)
( خيركم خيركم لأهـــــــــــــــله وأنا خيركم لأهــــــــــلي)
( ولهن عليـــــــــكم رزقهن وكسوتهـــــن بالمعـــــــــروف)
( أعظمها أجرا الدينـار الذي تنفقــــــه على أهـــــــــــلك)
( من سعــــــــــادة بن آدم المــــــــــرأة الصـــــالحــــــــة
اظن دول كفايه عليكى ومش منتظر منك رد كالعادة لانك مش بتعرفى تردى اساسا
تعرفى بس تحطى كلام وتردديه من غير ما تعرفى تردى على اللى مش عجبه كلامك
اكيد فى امرأه تجعل الف راجل يحترمها وأمراه اخرى الالف راجل لاينظروا فقط الى جسدها يا ترى انتى مين فيهم
مع احترامى الشديد لشجاعتك
سلاااااام
عزيزى
love
اظن من حق كل ديانه تفكر بالطريقه اللى تريحها واساس دينا انه مواكب لكل عصر وبدل ما تطلب من ديانة غيرك حاجات شوف دينك وقول ايه اللى اتزحزح فيها عبر الزمن بسبب عدم الجمود والتمسك بالتعاليم
ومش انتا برضوا اللى تحدد اللى يتمشا مع العقل ولا تقصد عقلك انتا
واكيد لوة قريت ردى على صاحبت البوست هختشوف اد ايه كان بيحافظ على حقوق المراه اكتر كمن اى ديانه غيرها وحضاره غيرها واللى بيته من ازاز ميحدفش الناس بالطوب
ومش دور انسان زيك يعارض شئ فى القرأن على اننا خير امة
اولا انتا اساسا لو بتفهم كنت فهمت ان الكلمة مش متوجهه للعرب دى للمسلمين سواء فرس اهل عراق اهل شام
ودور على حقوق المراه فى دينك وابعد عن ديانة الاخرين
كلام يستاهل التهزيق لاكن للاسف مش هزهقك الا لو كررتها ويا ريت تنصح صاحب البوست ترد على التعلقات لو تعرف واللى متقدرش عليه متعملهوش
اظن انتا شايف اد ايه انتا انسان متحضر وبتراعى مشاعر غيرك
وبرضوا بقولك اللى بيته من ازاز ميحدفش الناس بالطوب
عزيزتي
للاسف الشديد الكثير مثلك و مثل الدكتورة في شئون المرأة قد تحدثوا كثيرا و مطولا في الموضوع ده لكن عندنا لا حياة لمن تنادي في ناس تقولك انا مابعملش كده و زوجتي على راسي من فوق و لكن تلاقيه هو بيضربها او يهنها باشكال مختلفة
مش كل المسلمين بيعملوا كده طبعا بل في ناس انا اعرفها شخصيا بتدي المرأة كل الاحترام الممكن سواء في السر او العلانية
لكن للاسف ممكن نقول الكثرة منهم بيتعاملوا مع المرأة بالشكل ده على انها كائن ضعيف يستحق ياخد على دماغه ... طيب ليه مايكنش كائن ضعيف مثلا يستحق الحنية و الرحمة
طبعا النظرة دي للمرأة موجودة في الدنيا كلها مش بس عندنا في الشرق الاوسط
عندنا بقى في بلدنا نماذج جدية جدا للمعاملة اللي بتقولي عليها دي و مهما سمعوا و لا شافوا برضه اللي في دماغهم فيها من غير اي تغيير
و ياريت تكوني فاكرة موضوع الختان اللي ناقشتيه قبل كده و اديكي شوفتي بنفسك التعليقات كان شكلها ايه
Just to balance the issue and clear that it is not unique to islam please read this:
1. In the Bible's book of Deuteronomy it says that if a man marries a woman and then decides that he hates her, he can claim she wasn't a virgin when they married. At that point her father must prove she was a virgin. (How is not explained.) If he can't, then the woman is to be stoned to death at her father's doorstep. (22:13-21)
2. If you see a pretty woman among your captives and would like her for a wife, then bring her home and "go in unto her." Later, if you decide you don't like her, you can simply "let her go." (Deuteronomy 21:11-14)
3. If a betrothed virgin is raped in the city and doesn't cry out loud enough, then "the men of the city shall stone her to death." (Deuteronomy 22:23-24)
4. In the book of Esther the king apparently decrees a sex contest among young virgin women to see who can best please him. (There is debate on how.) He eventually chooses Esther. However, since women are viewed as inherently dirty, Esther must be "purified" for twelve months before she can be made queen. (Esther 2:8-9, 12-17)
5. Paul points out in New Testament Romans that "the natural use" of women is to provide men with sex. (Romans 1:27)
6. Heaven is to be inhabited by 144,000 virgin men who have not been "defiled" by women. (RE 14:1-4) [One wonders how this squares with God's command to, "Be fruitful and multiply...(Genesis 1:28)?]
7. A group of sexual depraved men beat on the door of an old man's house demanding that he turn over to them a male house guest. Instead, the old man offers his virgin daughter and his guest's wife: "Behold, here are my virgin daughter and his concubine (wife); let me bring them out now. Ravish them and do with them what seems good to you; but against this man do not do so vile a thing." The women were subsequently ravished and killed. (JG 19:22-29)
8. In Exod. 21:7 we see that it is permissible to sell one's daughter (but apparently not one's son) into slavery.
9. According to St. Jerome, "Nothing is so unclean as a woman in her periods; what she touches she causes to be unclean." In Leviticus (12:2:5) it states, "If a woman conceives and bears a male child, she shall be ceremonially unclean seven days...if she bears a female child she shall be unclean two weeks...."
10. "A woman dropped a stone on his head and cracked his skull. Hurriedly he called to his armor-bearer, 'Draw your sword and kill me, so that they can't say a woman killed me.' So his servant ran him through, and he died." (Judges 9:53-54)
11. Under God's direction, Moses' army kills all the adult males, but they mercifully just take the women and children captive. When Moses learns that they left some women and children alive, he angrily says: "Kill every male among the little ones, and kill every woman that hath known man by lying with him." (31:1-54) Throughout Bible history God is said to demand that thousands, if not millions, of men, women and children be slaughtered. And they are.
12. And where do these sayings go? - A man has an obligation to produce a child with his brother's widow. If he refuses, his sister-in-law is to spit in his face in front of the elders. (Deuteronomy 25:5-9) And in case you are Jewish, you may be familiar with the Jewish prayer: "Blessed be the God who has not created me a heathen, a slave or a woman."
We've only listed a dozen Bible quotes of this type, but there are many more.
LoveofEgyptعزيزتى
ولأننا نحرص على مراعاة ألآداب العامه والتعامل المتأدب مع غيرنا من البشر،فإننا نؤكد دائمآ على أهمية مراعاة الحدود اللائقه فى المعاملات الخاصة أيضآ
من يستبيح لنفسه أن يتواصل مع أحد أيا كان فى غير أرضه أو مدونته فلك الحق كل الحق أن تقومى بتقيمه أولآ ثم تقويم ما فعل ثانيآ
نربأ بانفسنا أن نزل أو نسقط فى بحر من عدم اللياقه أو التعدى على حدود ألآخر
تحياتى روزا
Hi emy
الضرب هو الضرب باى شكل او طريقة
شوفي كلامك
و انا مع الرأي الي بيقول ان الضرب كان فقط بالسواك يعني مجرد لمسه خفيفه و ده مع نوع معين من النساء الي بيفشل معاهم كل انواع الحوار و التفاهم و ده بيكون اخر خطوه و طبعا خطوه غير محببه
يعنى ايه لمسه خفيفة ؟؟؟ ومين اللى يقول ان المرأة من اى نوع هى اللى تضرب .. كل واحد بيشوف بطريقته .. اخر خطوة يعني ايه يا قمر انت مع الضرب او ضدة .. يا ابيض يا اسود مع او ضد هي دى الطريقة
ماشي يا اجمل ايمي هفتح الايميل و اشوفك
حبيني لوف
ايه التعميم يا جميل .. فيه مسلمين مستنيرين جداً ..
اول درس اتعلمته في الجامعة عن الكتابة العلمية الاكديمية هو عدم التعميم بمعني .. لا تستخدم كلمة كل
انا معك فيما يخص الفكر السلفي وما به من تحقير للمرأة و الحث على ضربها وان كان بالسواك ؟؟؟؟المنظمة خاطئة و متحفظة فيما يخص المرأة ولقد تحررت من هذا الفكر تماماً واصبحت ارى بعقلي لا بعيني فقط
احساسه لسه حى
اولاً من العيب ان تسب اى احد و علناً يا جميل
"مش عارف انتى عندك نقص ولا عقدة للاسف مش كل راجل سيد ولا"
طيب لو انت مقتنع ان عندي نقص ايه بتزور مدونتي .. وانا عندي عقدة يعني مجنونة انا ولا ايه .. كما انك تتهمني بالجبن من الرد عليك .. انا سوف اتصرف معك كما يفعل الرسل و الانبياء فيما يخص الاساءة وسوف اتغاضى عنها
تعلى نناقش كلامك وحدة وحدة
طبعاً اللى يخلط لازم يتعاقب .. حلو الكلام دة بمني ان الست اللى تخلط تتضرب ماشي يا سيدي و الرجل اللى تغلط نعمل فيه ايه؟؟؟ لو ان الست ناشز نهجرها في السرير و نضربها .. لو ان الرجل هو الناشز يا سيدي عقابه ايه
الفطرة و الطبيعة مشتركة بين الرجل و الست واذا كان الرجل محب للنساء فان المرأة محبة للرجال .. يجب ان تقرأ في علم الانسان و تعرف ان قبل ظهور الاسرة كانت التعديدة نسائية ورجالية يا محترم ولم تطهر الاحادية الا مع ظهور الزراعة و الرأسمالية الاولي وذلك لمعرفة الوريث ومن الاب .. يعني مصالح يا باشا
نيجي بقى عند التعديدة اللى في القرآن و الاية مش مشروطة بالعدل بين النساء وانما مشروطة بالخوف من القسط في اليتامي..
وَإِنْ خِفْتُمْ أَلاَّ تُقْسِطُواْ فِي الْيَتَامَى فَانكِحُواْ مَا طَابَ لَكُم مِّنَ النِّسَاء مَثْنَى وَثُلاَثَ وَرُبَاعَ فَإِنْ خِفْتُمْ أَلاَّ تَعْدِلُواْ فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلاَّ تَعُولُواْ
الاية واضحة وصريحة بس الناس بتفسرها على كيفها ذي حجات كثيرة في الدين
يا ابو احساس خف نبرة العنف في كتاباتك سواء لي او لغيري من اصدقائي في المدونة .. يعني ايه تكتب
ومش انتا برضوا اللى تحدد اللى يتمشا
مع العقل ولا تقصد عقلك انتا
واكيد لوة قريت ردى على صاحبت البوست ..مين هى صاحبة البوست .. انا مش كدة وانا شايفة ان الكلمة دي فيها تحقير واهانة لى .. بس برضو هاسمحك وهديك الخد الثاني تضربني عليه
وعيب يعني تقول لحد ... كلام يستاهل التهزيق
وتهدده وتقول ... للاسف مش هزهقك الا لو كررتها .. يعني عيب الكلام ده
كمان يعني ايه تكتب وتقول ...
ويا ريت تنصح صاحب البوست ترد على التعلقات لو تعرف واللى متقدرش عليه متعملهوش
يا ريت يكون نقدك اكثر تحضراً و اكثر علمياً
Mahmood
I did not understand your point of view can you make it more clear for me. did I say that the Christian religion is the best so ever.????
معلش بقي اسنحمليني شويه علشان انتي حبيبتي جيت اعلق تاني
انا شخصيا ضد الضرب و شايفه ان الي يضرب مراته مش راجل اصلا و المفروض تطلق منه فورا و ماتكنملش الحياه معاه لانه اهانها و ماينفعش يصالحها بأي طريقه و حقها مش هايرجع الا بالطلاق و البعد عنه و بيني و بينك تضربه زي ماضربها كمان ماحدش احسن من حد
بس الاسلام لم يبتدع ضرب المرأه هو كان موجود في الجاهليه و بشكل مبرح الاسلام قننه في صوره ضرب بسيط غير مبرح يعني وضع له شروط ليمهد لالغائه و لم يرد بكل السنه ان الرسول ضرب مراه لا هو ولا احد الصحابه فكده المفروض المسلم المحترم يكون له في الرسول اسوه حسنه و يكرم زوجته مثل الرسول
الضرب مش بدعه اسلاميه بالعكس الدين الاسلامي كرم المرأه في مختلف النواحي
معلش رغايه انا بس ده لانك غاليه عندي اوي و احب اني اوضح رأي ليكي يا قمر
معلش انا جيت تالت بس علشان احييكي علي ردك علي احساس بيقول انه حي
رد جميل فعلا و مؤدب مع اني كنت اتوقع كسر رقبه لاسائته ليكي بس المحترم احسن
و الله انتي عسل يا روز
Hi heart beat
ازيك وحشتيني يا بنوتة .. ولا يهمك طول ما فيه ناس ذيي وذيك واجند الرائعة .. محترمين و مدافعين هتتغير الدنيا
عجبني جداً موضوع المعلقين العلماء بكل شيئ .. تحياتي لك
انتي كمان وحشتيني جدا
اتمنى نشوفك دايما زي الاول
و صدقيني سواء رديتي على تعليقاتنا و لا لأ مش مهم زي ما قلت لك قبل كده في الموضوع اللي كتبتيه و قلتي انك مشغولة و مش هاتقدري تردي على التعليقات
اهم حاجه انك تكوني موجودة معانا حمدلله على سلامتك يا فندم
و اسمحي لي احييك على طريقتك الدبلوماسية في الرد على الاساءات اللي بتورد من وقت للتاني
افضل الشيء التعامل بحكمة مع من يخطئون في فهم معنى حرية الرأي
اذا كنا نؤيد حرية الرأي فيجب على المتحاور ان يتحدث بمستوى الحوار نفسه و لكن تخطي الحدود يفسد حقه على الاقل في الاستماع اليه
يبقى ليه نجيبه لنفسنا من الاول
يارب تكوني منورانا كده دايما و ماتنقطعيش عن التدوين تاني لانك بتوحشينا جدا
وردة مصر الجميلة
تحياتى على تطرقك للموضوع دة
فعلا عندك حق وانا معاك
ومن وجهة نظرى ان نظرة الرجل للمراة وطريقة تعاملة معها
بتتقدم كلما زاد التحضر والرقى
خصوصا فى ديننا احنا
ديننا الى جانب التقدم الحاصل فى البلد
بيشكل نوع من الوعى الجيد لدى الناس
لدى الرجال لتعريفهم بمساواة المراة فى الحقوق والواجبات
ولدى المرأة لتعريفها بحقوقها وواجباتها
وفهمها لدينها اللى بيحفظ لها كرامتها
تحياتى على الموضوع الجميل
وابقى زورينى ونورينى فى المدونة
تحياتى
romeo
صديقتي الجميله ورده مصر
اولا حمدلله علي سلامتك وحشتينا كلنا و بخصوص الموضوع الجديد فعلا زي ماقالت حبيبتي هارت بييت ان من الخطأ التعميم لأن مفيش اي دين سماوي حيسمح بالعنف لأن جميع الأديان اكيد نادت بالتسامح و الحب لكن فيه بعض المتشددين اللي بيتمسحوا في الدين و يستخدموه لأغراضهم الشخصيه و طبعا لازم يلبسوه عبائه الدين عشان ماحدش يفتح بقه و يناقشهم
زي ماقلتلك قبل كده احنا كلنا بنحبك ياجميل و مش مشكله لو ماكنتيش فاضيه تعلقي المهم اننا بنتابعك و بنحترم ارائك ممكن مانتفقش ساعات بس في الاخر احنا عمرنا مانكون اعداء
تحياتي ليكي علي اسلوبك الديموقراطي في الرد علي الهجوم الغير محترم و تحياتي لشجاعتك
و خالينا دايما نشوفك منوره
:)
نصف المجتمع لمتعة ورغبات النصف الآخر
أنا حزين جدا ونفسي مكتئبة. كل من يستطيع أن يتسلط ويتجبر لا يترك الفرصة. صار مجتمعنا أصعب من الغابة، وأول ما نجده من التسلط هو تسلط الرجل على المرأة. وللأسف فإن الأديان التي يعتبرونها قمة السمو الخلقي هي من قد تشجع على ذلك
أنا حزين
عندك حق
لكن كيف يتخلص الناس عن الصورة النمطية للمراة
بل ان المراة نفسها غالبا ما تفعل ذلك
البداية تكون بتغير تفكير المراة
Egypt rose,
Thank you for your response, to answer your question about what my point was?
my point is to add balance to the issue and to show that other religions were not even as good in treating women issues, and it seems to me from reading the post it would appear only as if Islam is the area of study, I find it only fair to show what other religions dictated.
another point here if i may concerning slavery Islam is the only religion that encouraged to free slaves(i3taq raqaba) is promoted many times. while the Jewish and christian faith did not put a stop to it . look at Exodus 23:12 "Six days do your work, but on the seventh day do not work, so that your ox and your donkey may rest and the slave born in your household, and the alien as well, may be refreshed." We can obviously see from this verse that the slave and the animal have the same value. A human slave in the Bible is an animal and not a human being. This verse puts the animals and the slave in the same category. It doesn't separate them.
so it will be only appropriate if other religions are included in the subject other wise it would look like as if you are targeting Islam in particular.
thank you for allowing us to add to the issue, i hope this time i made my point clear,
please accept my regards.
Dear
First of all let me thank you for what you did coz I was about to go there and question him about his stupid words coz here is not the right place to reply such comments as it is your place not mine
Second I still thank you for deleting such insults coz as I said in my last post that such comments deserves really to be removed when there is no respect to the owner of the place or the readers
ايجيبت روز
أولا أنا هاكتب تعليقى على أساس انك مسلمة
لو مش كده
يبقى مش من حقك تهاجمى الدين أو تسألى الأسئلة دى
انتى تهاجمى المجتمع واضطهاده للمرأة ماشى
لكنك تفسرى القرأن وتستشهدى بيه وانتى مش مسلمة
يبقى أكيد قصدك مش النصح
----------
منين بتقولى ان هجر المرأة فى المضاجع عنف نفسى ضد المرأة ومنين بتقولى ان المرأة ليست كائن جنسى
البشر كلهم كائنات جنسية
رجال ونساء
شهوة أساسية عند الناس
ولكن ليه فسرتى الأية كده
ماهو ممكن الأية نزلت لترتيب العقاب
عظوهن وكفى بالوعظ لمن له ضمير
هتعاند؟؟؟ طيب ليه تعاند؟؟ ماهو أكيد واحد فيهم على خطأ كبير
طيب محتاجة له وهى مش سامعة كلامه ولسه مش عايزة تعرف انها غلطانة ؟، هيدور لها ضهره وهو نايم جنبها
وهو نايم جنبها
يعنى فى ليلتها حتى لو متجوز غيرها
ماقالش من المضاجع
ولكن فى المضاجع
فى المضاجع
مش عايز أفضل أكرر
لأن مكن ساعتها تقوله خلاص سامحنى وتأخد حقها منه وهيتكلموا ويتواصلوا
شفتى هذا الرفق
ولا إيه؟؟
طيب هى بقى عاندت زيادة
هو لسه ملتزم بالهجر فى المضاجع
ولكن الستات دماغها عنيدة
وتروح مبهدلة الدنيا
ماهو بقى لازم تولعها نكد
فهيعمل ايه؟؟
أه يضربها؟؟
لأ برضه مش يضربها الراجل المفروض انه أعقل من كده هيعظها تانى وتانى
ويمسك أعصابه منها
وبعد كده يروح لها ويعاتبها
ويكلمها وهو ماسك ايدها
اعقلى يا حبيبتى ويضربها بالسواك كده بالراحة على إيدها
لازم يزود جرعةالحب علشان يسترجعها
وعلشان يفهمها غلطها
لكن لو قابل الصراخ والعنف بالغضب والثورة أكيد هيقول الكلمة اللى بتخرب البيوت
ولو وافق على طلباتها أو حسسها بأنها أقوى منه مش هايعرف يعمل حاجة فى البيت ده
عارف انك هاتقولى ايه الرومانسية دى
هأقولك
مش غلطة الدين ان ده ما بيحصلش
وافتكرى قصة الرجل اللى راح لعمر بن الخطاب
عمر بن الخطاب
علشان يشتكى له من مراته ولقاه هو كمان مراته بتزعق له
وده كمان كان بيحصل مع الرسول وكمان كان الرسول عليه الصلاة والسلام بيرقع ثوبه وينظف بيته ويلاعب الحسن والحسين
ايه مش شايفة كل ده؟؟؟
ليه مش شايفاه؟؟
ليه أنا مجرد كلمة الاحسان والبر وكلمة المعروف اللى تكررت فى أيات الزواج والطلاق كتير جدا مش لافتة انتباهك؟
واسمحيلى أقول لك فى الأخر
انتى ضايقتينى جدا
لأنك تسرعتى وسمحتى لأخرين انهم يسبوا دينى وديانتى
ومش علشان هما موافقينك ومساندينك يبقى تسمحي لهم يغلطوا بالطريقة دى
انت المفروض كنت تاخدى موقف وسط
لا المتشدد والمهاجم ليكى يقل أدبه ولا الموافق ليكى والمؤيد يقل أدبه
ولو كنتى مش مسلمة
فبرضه أنا زعلان منك ولكنى لن أرجو منك العتاب
أرجو منك قراءة الرابط التالي وأظن بعد قرائته ستتغير عندك رؤى كثيرة.
http://www.afkaronline.org/arabic/archives/juill-aout2003/souayhi.html
واسمحي لي بنقل بعض الجمل الهامة منه:
إذا عدنا الى المعاجم اللغوية كلها نجد أن أحد معاني كلمة الضرب" تعني الإعراض، فيصبح المعنى أعرض عن الزوجة ولا تكلّمها، فلماذا لا نترك معنى الضرب الذي يقصد منه التعنيف ونستبدله بمعنى الإعراض والغضب خاصة وأن الآية 35 من سورة النساء تؤيّد هذا الاختيار ونصّها: "فإن أطعنكم فلا تبغوا عليهنّ سبيلا، إن اللّه كان عليّا كبيرا. وإن خفتم شقاقَ بينهما فابعثوا حكما من أهله، وحكما من أهلها، إن يريدا إصلاحا يوفق اللّه بينهما.
والتنصيص على الحكمين هنا ينفي وجود الضرب، فعلى الزوج، إن كانت زوجه هي الظالمة، أن يغضب منها وله أن يعظها فإن اشتدّ الخصام يلتجئ للحكمين، ولا يمكن ان يجتمع الضرب والحكمان معا.
كما أن العقل يرفض الضرب، فهذه المرأة ناشز، والناشز لا يردّها الضرب، وإنما اللّين وحسن المعاملة.
انتهى الاستشهاد
وعذرا ، ممكن تشيلي خاصية
Word verfication
؟
تحياتي
Egypt Rose
أوعدك لو كلامك مش هيمس دينى مش هعلق عندك وانا بقول راى فى الجميع مش بهين واظن روحى شوفى هما بيقولوا ايه ولا هما يهينوا عيب انا اهين مش مسموح وكان لوووف اولى تقوليله متهنش المسلمين والعرب يا عربية
اه بخصوص قفاكى معلش القفيه حكمت ومقدرتش اقول غير كده مع انى كنت شايفها بايخه بس قولت عديها
انتى بتقولى اناقشك وانتى مش بتردى على التعليقات بالمارة بوست الرق هو فيين وتعلقاته فيين مش تتناقشى فيها ولا ايه
وأكيد ديننا اى دين بقه تقصديه هو انتى بتؤمنى بدين شوفى انا لو كلمة فى دينى مش عجبانى مش هؤمن بيه
الدين مش بيعه تخدى جزئ وتسيبى جزئ يا تخديه كله يا تسيبه احسن ليكى
حتى لو بغلط اكون عارف الصح بس بغلط مش اكون مؤمن بالغلط علشان عاوز اعمله ونفسى اعمله
ومستنى مواضيع ليكى نشوف المناقشه العلميه معاكى هتردى عليها ولا لأ هتجرى وتختفى علشان ننسا اللى كتبتيه
وبلاش ضرب القفا يا .....باشا
سلام
أهلا ايجيبت روز ومبروك البلوج الجديد
قرأت الموضوع والتعليقات واسمحى لى اعلق شوية تعليقات كده على الماشى بعضها فى صلب الموضوع وبعضها عام يمكن ملوش علاقة مباشرة بالموضوع ولكن أرجو ان يتسع صدرك والمكان هنا لهذه الأراء
حتى لو وجد فيها البعض خروج عن موضوع البوست
ـ على الرغم من ايمانى وديانتى المسلمة التى أنا والحمد لله على اقتناع بها، الا أننى لا استطيع ابدا أن انكر أن الاديان بشكل عام سواء كانت سماوية أو غير سماوية بها جوانب غريبة وغير مفهومة بل وجوانب تبدو انها تتنافى مع العقل والمنطقل وممكن ايضا أن تكون مدعاة للسخرية من البعض. هذا الكلام ينطبق على جميع الاديان التى قرأت عنها أو سمعت بها أو مجرد شاهدت ممارسات لمن يؤمنون بها
ـ على الرغم من التفسيرات أو التبريرات التى يسوقها أبناء هذا الدين أو ذاك لتوضيح هذه الجوانب الغريبة فى دياناتهم الا أننى أجدها من وجهة نظرى غير مقنعة تماما، وهذا الرأى طبعا يسرى ايضا على ديانتى المسلمة والتى مع ذلك لم تهز ايمانى بها لأنى على اقتناع تام أن الايمان بالله أو بدين ما هو توجه يتم (أو يجب أن يتم) فى جزء منه بشكل عاطفى لا يخضع للعقل والمنطق
ـ من هذا المنطلق لا أفهم أيضا ما يتم ذكره عن حق او امكانية قيام الزوج بضرب زوجته، وغيرها من أحكام وأراء غريبة اسمع عنها
ـ وبنفس المنطق ايضا أجد فى الديانة المسيحية علامات تعجب كثيرة بل ويجدها آخرون ايضا مدعاة للسخرية والتندر، ورغم أنى لم أقرأ كثيرا عن اليهودية ولكن اتاحت لى ظروف المعيشة بالخارج الاحتكاك بعدد لا بأس به من اليهود، ما زلت اتذكر حتى الآن حين كنت فى الاسانسير وطلب منى رجل وإمرأة أن اضغط لهما على الزر الخاص بالطابق الذي يودون الصعود اليه، ولم أدرك الا فيما بعد أنهم يهود وأننا كنا لانزال فى صباح السبت ومحرم عليهم فعل أى شىء حتى أن أنوار منزلهم يتركونها مضائة من قبل غروب يوم الجمعة حتى لا يحتاجون لفتح النور طوال نهار السبت
ـ حين نأتى وننتقد دين ما، فان الانطباع الذى يتولد لدى الكثيرين خصوصا الغيورين على دينهم أن هذا الانتقاد هو لصالح دين آخر وهو أمر ليس بالضرورة صحيح
ـ وحين ننتقد أيضا دين ما بدافع أننا لا نؤمن بالاديان بشكل عام كما هو واضح من قناعاتك الشخصية يا روز، فاننا أيضا نفتح الباب أمام آخرين لمهاجمة هذا الدين لقناعات أخرى وحسابات أخرى قد تكون مختلفة تماما عن قناعاتك وحساباتك. طبعا أنتى لست ملزمة بمعرفة الاسباب الحقيقية وراء أراء كل من يكتب تعليق فى مدونتك، ولكن بالتأكيد أيضا أتخيل أنك على إدراك بأن السلة تجمع البيض وأشياء أخرى، وهو على الأقل ما سيجعلك تفهمين بشكل أدق التأييد أو الهجوم الذى يمكن أن تجديه فى تعليقات قراء مدونتك
ـ من رؤيتى لأوضاعنا فى المجتمع المصرى وجدت أن من الغريب أن من يقوم بالايذاء الجسدى لزوجته (من المسلمين) لا يفعل هذا بواعز دينى وانما اسباب اللجوء الى العنف هى كما تعلمين أسباب أكثر عمقا ودائما ما يتم ربطها بخلل سلوكى ونفسى. وفعلا ودون تحيز لم أر شخصا مسلما ومتدينا حقيقيا يضرب زوجته بدافع دينى، وحتى فى الامثلة التى صادفت وشاهدتها أو سمعت عنها فى إطار حكايات العائلة الكبيرة أو الجيران أو الاصدقاء أو المعارف، كان دائما الزوج شخص عدوانى ولا يجد من يردعه، ولم أجد زوجا تقيا ومتدينا يفهم الدين بشكل صحيح يلجأ للضرب بمرجعية القرآن أو السنة
ـ الشخص العنيف والعدوانى بطبعه لن يحتاج عادتا لمرجعية دينية أو غير دينية لتبرير لجوئه للعنف، أنا لا أنفى أن هناك زوجا قد يدعى أو يبرر ضربه لزوجته لاسباب دينية ولكنه فى نظرى مثله مثل من يبرر الضرب لأن زوجته مثلا سليطة اللسان وكلامها يجرح، أو لأنها (مبتسمعش الكلام) أو لانه (معلش كان متنرفز شوية وهى خلته يخرج عن شعوره) الخ، يعنى كلها تبريرات تساق لايجاد العذر لسلوك خاطىء من شخص مريض
ـ وما يجعل التبرير الديني للضرب أمر غير صحيح من الناحية الفعلية ، هو هل تعتقدين مثلا أن أي أب أو أم مصرية مهما كانت درجة تدينهما سيسمحان لزوج ابنتهما بضربها ويوافقان عليه بوازع ديني؟ الغالبية العظمى من الإباء والأمهات لن يقبلن بضرب الزوج لابنتهم وسيستوي رفضهم سواء كانت تبريرات الزوج دينية أو غير دينية.
ـ طبعا هذا أيضا لا ينفى أن فى أوساط اجتماعية معينة يعد الضرب سلوكا غير مدان تماما ويكاد يكون عرف الزوج يمارسه والزوجة تقبله والأهل يتغاضون عنه وهنا تلعب مستوى الثقافة العامة والعادات كسبب رئيسى لهذا السلوك دون ارتباطه بشكل واضح بالدين
ـ وإذا ادعى البعض أن الإسلام ساهم فى انتشار ظاهرة ضرب الزوجات لأن هناك نص قرآني يسمح بها، لماذا مثلا ظاهرة الاغتصاب فى ازدياد أيضا رغم أن الدين لم يبررها ولم يتساهل معها بأى شكل من الإشكال؟ نأتى هنا ونقول أن الاغتصاب أسبابه اجتماعية وثقافية لكن الضرب أسبابه دينية؟ هل تعتقدين مثلا أن هذه التفرقة صحيحة و موضوعية؟ أم أن الاصح أن نقول أن هناك ممارسات عديدة وظواهر سلبية كثيرة فى مجتمعنا هى نتاج لتفاعل عوامل عدة وعلى مدار أزمنة خصوصا السلوكيات الاجتماعية التى تتجاوز الدين مثل الثأر وجرائم العار وتغطية الراس للمرأة وهى كلها كانت موجودة فى الصعيد مثلا سواء كان اشخاصها مسلمين أو مسيحيين
ـ هل هناك من يعتقد حقا أن ضرب الزوجات يزداد بين المسلمين عن المسيحيين فى مصر؟ حتى نفسر الضرب على أنه نتيجة لنص دينى؟ أنا شخصيا لا اعتقد بأن الضرب بين الازواج المسلمين أكثر منه بين الازواج المسيحيين، وهذا طبعا مجرد انطباع لدى دون أن يسانده رأى علمى أو احصائى ولكنه مجرد رأى لدى بأن الضرب يتم حين يوجد سلوك عدوانى من الزوج وخلل ما فى الحياة الزوجية وشخصية زوجه تقبل الايذاء، أى أنه يرتبط بوسط اجتماعى وسلوكى أكثر من كونه سلوك دينى
ـ نظرة سريعة على الانترنت لمواقع المنظمات والجهات المعنية بمكافحة لإيذاء الجسدي والعنف للسيدات والزوجات فى الولايات المتحدة على سبيل المثال نندهش من الأرقام والاحصاءات عن الإيذاء الجسدي فى مجتمع يفترض أنه من أكثر المجتمعات دعوة لاحترام حقوق الإنسان ولا يمكن الادعاء هنا أن المرجعية الإسلامية تلعب فيه دورها، وهو مايؤكد مجددا أنه سلوك مرتبط بالشخصية أكثر من كونه مرتبط بأية عامل آخر
وفى النهاية شكرا يا روز وعذرا للاطالة ومبروك مرة تانية
هو حسام عنده حق ولا إيه؟؟
فين ردودك يا روز
أنتظرها
ما تشمتيش فيكى حد
عايزين نكلم كلامنا
ولا انت اقتنعت بوجهات نظرنا ولا زهقت من كلامنا؟؟
ردى وقولى حتى انك معاندانا واللى فى دماغك مش هتغيريه
علشان بس حتى نبقى هارفين ونعرف انه مافيش فايدة من وجودنا هنا
ويا ريت ساعتها تنشرى من غير ما تسمحى للكومنت
لأن كلامك انتى مسئولة عنه انما الناس تستحلاها ويجيوا يشتمونا هنا ده اللى مش مقبول
أوكى
أنتظر ردودك على تعليقاتنا
arabi Id
كلامك فيه استهجان كبير و الرد عليه لن يفيدني ولن يفيد الاخرين في شيئ
كلامك غير علمي و غير قائم على اسس نظرية بل على مشاعر متغيره و انطباعات اولية
وحتى الان كلامك ان المرأة هى الخطأ ويجب تقويمها ؟؟ مش صح المرأة ناضجة وليست طفل .. كلامك بيقول كدة ...
محتاجة له وهى مش سامعة كلامه ولسه مش عايزة تعرف انها غلطانة ؟،
ماهو بقى لازم تولعها نكد
فهيعمل ايه؟؟
أه يضربها؟؟
ايه الكلام ده
ولما هى غلطانة يعمل و يعمل .. ماشي لما هو يغلط مين يحاسبة
انا لست ممن يهوا الهجوم على الديانات .. انا كنت بشرح موقف حصل لى و بعرضه لاصدقائي و بقول رأيي فيه و بعرف رايهم فيه هم ايضاً
كلمة اخيرة انا مش في منافسة مع حد و مفيش حد بيجري وارئي وانا مش ملزمة بالرد على حد .. ومش عيزة اقنع حد بحاجة و مش مستنية حد يقنعني بحاجة
احساس
لسة بتحدف طوب
ومستنى مواضيع ليكى نشوف المناقشه العلميه معاكى هتردى عليها ولا لأ هتجرى وتختفى علشان ننسا اللى كتبتيه
وبلاش ضرب القفا يا .....باشا
سلام
تجري و تختفي ؟؟؟؟؟
لو ده هيبسطك قول ؟؟؟
د. ضياء
اشكرك على التعليق للمرة الاولي
المتحدثة في المؤتمر كانت متبنية لوجهة نظرك تماماً
انا رديت عليها و لقت ان الاية متدرجة في العقاب اى بمعني .. الوعظ .. الهجر /الاضراب .. ومن ثم الضرب
يعني ان الاية بها اعراض عن المرأة قبل الضرب وهذا هو تفسير كل المفسرين .. و من ثم هناك احاديث تفسر وسيلة الظرب وهى وان كانت السواك فهي لتأكيد الضرب
شكراً على التعليق و ياريت تيجي تاني و متكنش دي اخر زيارة
العزيزة ايجيبت روز
وجهة نظري هي أن الآية لا تتحدث عن الضرب بمفهوم التعدي البدني على الزوجة الناشز، بل الإعراض عنها فقط. وحقيقة لا أعرف هل قرأت الرابط ام لا فإن لم تفعلي فأرجوك ان تقومي بهذا.
وعفوا مرة أخرى، ارجو الغاء خاصية التحقق من الرموز عند كتابة التعليق
word verfication
لأنها مزعجة للغاية.
تحياتي
ضياء
واللي بيختلف مع حاجة .. يقتلها
هو دا الحل دايما
التعصب والعنف هما الحل
وحشاني ياروز وواحشني كلامك
تحياتي
أولا يا روز
أنا مش باقول ان المرأة على خطأ
لكن الموقف يفترض انهاعلى خطأ
وانها فى موقف أضعف
فلو الموضوع محسوم من الأول ولها أهل يردوا على زوجها مثلا أو بيخافهم
أو لو مثلا ما بينهم المودة والعطف والتفاهم اللى بيخلليهم كل واحد يخاف على مشاعر التانى زى ما هو مفروض
يبقى مافيش لزوم لكل الكلام ده من الأساس
لكن الموقف هو ان المرأة أضعف ومافيش حد يقف جنبها والراجل متحكم فيها
كل ده يخلينا نتكلم عن المعاملة
والقرأن بيفترض ان المرأة إذا أخطأت والخطأ هنا مش معناه أو المقصود بيه انها كسرت حاجة أو ضيعت حاجة
لكنها اتخانقت معاه
وساعتها ولأن الرجل قوام على المرأة ولأنه مؤمن فهو مطالب بمراقبة الله فى معاملته معاها لأن الرجل أقدر على التحمل والصبر
والدين ينهانا عن الغضب أصلا
فكيف يقترن بصورة من صوره وهى الضرب
الضرب هنا هو كما شرحت لك لا يأتى فى وقت مواجهة انما وقت محبة وعتاب ووعظ
وإلا فإنه يغادر المكان الذى يتواجد فيه الشيطان والذى يحفزه للغضب
وكلامى يا روز مبنى على المفهوم والوعى اللى يخلينا نحسن الظن قبل ما نتأكد من شكوكنا
وانت افترضت سؤ الظن فى النص ولم تحاولى الربط بينه أو تفصيله وتدقيقه أكتر
وإذا كنا بنقول ان حرف العطف له أهمية ومعنى ودلالة ويفرق إذا ذكر بواو أو فاء أو ثم أو إذا لم يذكر أصلا
فأنت سبت كل الأية ومسكت فى كلمة واحدة
انت بقى عندها اللى مش دقيقة ولا علمية الأسلوب
وأنا مش بقول ان الناس مش بتضرب ستاتها
لكن الرجالة بتقطع الحد الفاصل وتهمل التوجيه شوية بشوية وبعدين تسوق فيها
ولكن باقول ان فعلا فيه ستات صعبة جدا وبرضه فيه رجالة غبية جدا
وعايز أقول لك ان حتى ده مش مبرر للضرب أصلا ولكن أى ضرب وبأى طريقة
ما هو مش تعذيب لأن ربنا محرم التعذيب
ولكن زى ما وصفت لك
لو عرفتى تقولى لهم ان يا جماعة الموضوع كله رفق
هيبقى أحسن ما تقولى ان ربنا قال لكم عذبوا ستاتكم وأنا ضد ما قال الله
ﻷنه ساعتها هايقول ده حقنا وانتى غلطانة
--------------------
كلامى غير علمى وباتكلم من مشاعرى
بصى طظ فى العلم وفى النظريات
المشاعر عندى أصدق وهى أساس الحياة والتعاطى ما بين البشر والأخذ والرد
وهل العلم وجد لمجرد البحث والعلم
أم لحاجة الأنسان للتغلب على احتياجاته ورفع مكانته
----------------------------------
أن تكون النظرية الوضعية أغلى من حياة الناس ده تقديس لما هو غير مقدس أصلا
والعدل مش فى التساوى
ولكن العدل فى التكافؤ وحسن التوزيع
--------------------------------------
والمرأة أنسان ولكنها أضعف
بطبيعتها ومشاعرها وارتباطها بأولادها وحتى شكل جسدها اللى انت أساسا باعتة البوست عنه
كل ده يخليها أضعف
وعلشان كده الرجل لابد له أن يرعى ذك الضعف كما يرعى البستانى زهوره
----------------------------------------
هى لو تعرف تحاسبه
تحاسبه زى ما بيعمل معاها
وخليها تولع؟؟
هيبقى بيت كده؟
انا باقول الحاجة اللى باتريق عليها زى ماقلت
أه يضربها؟؟؟
ما أنا وضحت بعدها اللى أقصده
مش منطقى ان يكون العشرة بالمعروف ويكون فيه حلبة مصارعة جوه الشقة
ولكن المنطقى ان يكون فيه تربية وعتاب ومراجعة
من الطرفين لبعضهم
------------------------
انتى فاقدة الامل فى التصليح
وعلشان كده بتتكلمى بالطريقة دى
انتى شايفة انك بتخبطى فى حيطة
ولكن لو عرفتى أن ممكن تفهمى الأمور بمنظور شامل وأوسع هتعرفى ان فيه أمل وأبدا ليس الدين هو المبعث
-------------------------------
خلى نظرتك أوسع جاوبينى ليه ما قرتيش كل النقط اللى قلتها لك فى الرد الاول وليه ماردتيش بيها فى الندوة دى وليه مافكرتيش فيها؟
ولا ما صدقت لقيت كلام يؤكد شكوكك
وهل ياترى هاتفهمى الكلام بعقلك وقلبك ولا هتدورى فى الكتب على اللى يكدبهم ويقوى شكوكك وظنونك
--------------------------------------
وفعلا مش ملزمة انك تردى على أي حد أصلا
اكتبى كده على بداية كل بوستاتك
انك مش هتردى إلا على اللى يعجبك وبس
وشكرا لكل من سيأتى ويعلق دون أن ينتظر أنى أرد عليه
بصراحة أنا مش فاهم؟؟
فعلا مش فاهم انتى من حقك تمسحى التعليقات أو تعملى الأبروفال وخلاص
وشكرا ليكى على توضيح موقفك ده
ويا جماعة اللى بيجى عندى ويعلق بأرد عليه ومش باتجاهله ولا حاجة حتى لو علق على أقدم بوست عندى
مستنيكم
سيبوكم من اللى بيتجاهلوا تعليقاتكم
حاجة غريبة والله
تحياتى
Mr. ID
يعني انت شاعر و اديب .. يعني بتعرف تتكلم باسلوب جيد ..
لن ادخل معك في شد وجذب ولسنا في حرب .. وانت من كتب عن نفسك انك مغرور بشدة وجاهل بعمق و لا تحب القراءة
مدونتي خاصتى .. ملك يميني .. افعل بها ما اشاء. واصدقائي هم اصدقائي ولن يتأثروا بتلك الكلمات ..
:-D
ايجيبت روز
شاعر وأديب؟؟
أنا بحاول ، لو انت شايفة فى كلامى حاجة تثير فيكى شجن أو فكرة أو حتى لو شايفاها ضحلة
فانت بنيت رأي عن كلامى وعن أفكارى
وده لوحده يكفينى أنى أستمر فى الكتابة علشان أتحسن أكتر وأكتر
بأعرف أتكلم كويس؟
مش باعرف ، صدقينى... من غير حلفان
اللى شافنى فى افتتاح دار الكتب الخميس اللى فات كان هيلاقينى واقف على جنب ومش باكلم غير اللى أعرفه وهو أحمد الصباغ
وانا كتاباتى هنا.... مشاعرى وأفكارى
وتعليقاتى عندكم انفعالات وأراء
فأنت لو شايفة انى غلطت فى حقك فأنا كنت عدوانى معاكى فعلا ، لأن موقفك غريب.
ويا روز أنا ما حبش أدخل فى حروب
ولكنى أحب النصح
ولو فيه وسيلة غير العلن كنت نصحتك بيها
وأنا يا ستى مغرور بشدة ولكنى لست متكبر
وسبب غرورى هو تعليقات الناس عندى وحبهم ليا
ولو كنت مغرور ومتكبر إزاى أوصف نفسى بالجهل؟
وسبب جهلى هو لأن دى الحقيقة ، لانى كل ما أقرأ لأحد ألاقيه أفضل منى وأعترف بجهلى ولكن دون أن أحقد عليه.
شكرا ليكى زيارتك
ويارب ردى يوصلك وتقرأيه
-------------------------------------
اللى فات ده ردى على تعليقك عندى
-------------------------------------
وبالنسبة لموضوع أصدقائك
الحمد لله انهم مش هايبطلوا يجيولك ولن يتأثروا بكلماتى
وعلشان كده لازم تتواصلى معاهم
علشان يحسوا بقيمة وقتهم وأفكارهم
وأنا سعيد جدا جدا بالحوار معاكى ده
والجزء الأخير اللى كتبته فى التعليق اللى فات مستفز طبعا
ومش باقصده حرفيا، ولكن باقول بيه ان لازم نحترم تعليقات الناس علشان يحترمونا ونرد عليهم حتى لو ضدنا ونفهم ونبين ونعترف بخطئنا
أحلى حاجة عجبتنى انك جيتى لمدونتى وحاولتى تعرفى أنا مين، ده دليل انك بتحاولى تفهمى اللى بيكلمك
وعن ذات نفسى لو الأمور فضلت كده يبقى أنا
هاجى تانى وتالت
إلا إذا كنت متضايقة منى طبعا
تحياتى ليكى
Post a Comment