هل يتوجد على الانسان الملحد ان يكون نشط سياسياً ؟؟ سؤال تناقشت فيه مع بعض الاصدقاء المقربين الملحدين وغير الملحدين منهم .. معظمهم بيقول ان على الملحد ان يكون نشط سياسياً و انه ولانه ملحد فالنتيجة الطبيعية انه نشط سياسي و مفكر و بيقرأ كثير
انا كان عندي رأي تاني
فيه كثير من الملحدين غير نشطين سياسياً على الاطلاق مش معني ان ماركس كان ثورجي .. ده هو ابو الثوار جميعاً .. ان كل الملحدين ثورجية.. بمعني مثلاً البرت اينشتين .. دارون .. كارل ساجان.. جاليليو .. برنرد شو .. فرويد..كريستوفر مارلو..الرائعة جودي فوستر حبيبتي .. وليلي .. وغيرهم و جميعهم لا يحترفون السياسة
حاجة كمان بيقولوها عن الملحدين انهم منحليين اخلاقياً .. ما ادام مفيش دين يبقى مفيش اخلاق
مش صح .. الاخلاق هي الاخلاق سواء في الديانات الثلاث الكبرى او الديانات الاخري او غير الديانات .. يعني الكذب و الغش و الخيانة و القتل والرشوة والسرقة وغيرها من القيم و الاخلاق المتعارف عليها عالمياً و دينياً وغير دينياً جميعها سواء وجميعها متعارف عليه و هي منتج انساني حضاري نابع من تجربة البشرية بمساوى تلك الاشياء
يعني فيه مفهوم ان الست الملحدة ست منحلة و بتدخن
انا عمرى ما شربت سيجارة .. وفيه ستات كتيرة بدخن
الست الملحدة بتروح تعوم
طيب ما الست المتدينة بتعوم كمان
عادي يعني
الست الملحدة بتلبس على راحتها .. وممكن تلبس جينز مقطوع
الست العادية بتلبس على راحتها .. وبرضو مقطوع
قصدي ان الانسان الملحد بيمارس حياته زى اى شخص عادي في المجتمع .. كل ما في الموضوع انه لا يتبع اى دين من الديانات .. بيتكلم بطريقة علمية ناقضة وله/لها قدرة على التحليل دون الثأثر بمعتقدات
بفكر اعمل مجموعة او نادي للملحدين المصريين في مصر وخارج مصر و نعمل انشطة و نتعرف على بعض
فكرة حلوة
دعوة مفتوحة اللى يحب ينضم للمجموعة "مصريين ملحدين" ينضموا و يكتبوا اسميهم
ناردين صديقتي اقترحت تعديل اسم المجموعة لتصبح
مجموعة تؤمن بالحرية الشخصية طالما لا تتعدى على حقوق الاخرين
باختصار (مجموعة أمل) اسم عبقري
16 comments:
لا يتوجب على أي أحد أي شيئ
واكره تقسيم الناس إلى فئات بناءً عليها يتم التعامل معهم بفكرة مسبّقة
..
الإنسانية أكبر من كل هذا
,,
تحياتي
يا يا نردين ..كل ده .. كان لازم اكتب عن الملحدين علشان تردي و تعلقي عندي
وحشتيني
انا هأسس مجموعة الملحدين المصريين .. ايه رايك
أزيك يا روز
لو جروب زى دة اتعمل
فى العلن أضمنلك ان الكل هيتبهدل
وهتسمعى عن دعاوى قتل وتنفيذ شرع الله مع الكافرين وأمن دولة
بإختصار هيتم إستعداء الجميع عليكوا
انما فى السر يبقى مفيش مشاكل
علشان احنا مجتمع منافق
بخلاف السايتات المعروفة للإلحاد
ففية جروب جديد على الفيس بوك للملحدين العرب ممكن يكون نواة للفكرة دى بشكر اكثر اتصالا من المواقع الاخرى
حبيبة قلبى روزا
طبعآ إنتى عارفة الموقع إللى بيحتوينا وهو:ا
www.el7ad.com
موقع الملحدين العرب،وهو موقع ناجح ولكن يتعرض لمضايقات أنتى فى غنى عم التعريف بها
لو نفذتى الفكرة وأصبح للمصريين موقع مستقل..هتكون خبطة تدوينية جميلة..وياريت لانهاجم من طيور الظلام
أرجو لك التوفيق
hi ya rosa ezayek:
bosy ya fandem ana moslema o moqtane3a b el islam bas gaya 2a2olek wa7ashteny o 7'aleky ma3a elly enty moqtane3a beh o madam dah hadafek enek ta3mely 7agah keda yeb2a leh la2 o ana awel el moshage3een leky fe el mawdo3 dah
o i hope that u feel better now coz the last time i visit ur bog u didnt feel good at all bcoz of ur boyfriend
bye ya 2a7la rosa
لأ كان لازم اعرف انك اخيرا رجعتي لقراءك
اتمنى تكون ظروف الشغل والدراسة وكله بقى احسن شوية
وانا مع انك تكتبي عنك طبعا وبرضه عن كل حاجة
..
ومتخليش الشعب المصري يجبلك احباط
متقلقيش فيه قلّة مندسـّة فيها أمل
..
او على الاقل عندنا أمل بدا
..
:)
واقترح بدلاً من تأسيس مجموعة للملحدين المصريين
تأسيس شيئ أعم وأكبر من كده بكتير
مجموعة تؤمن بالحرية الشخصية طالما لا تتعدى على حقوق الاخرين واكيد هتضم ناس من مختلف الافكار والديانات واللاديانات
هيجمعهم بس احترام الاخر واقتناعهم بحقهم انهم يعيشوا الحياة اللي هم يختاروها بارادتهم
..
ودا بقى مش أمل
دي تقريبا تخاريف مني
لاني مش متفاءلة خالص ف المواضيع دي
..
خلينا ف امل القلة المندسة
..
تحياتي لارادتك الحرة
hey rosa:
i agree totlay with NARDEEN
that way i can join this group
byes
ana bakol KFC ta3aly koly ma3aya with kol slo salad
روز
هو انتى بتمسحى تعليقاتى ليه
هو الملحد مش بيحب اللى يعارضه ولا ايه
شوفى الدين هو مصدر الاخلاق والاخلاق اساسها الدين
وتفتكرى البلاد اللى عايشه من قديم الازل من غير ايمان بديانات
كانت حضارات محترمه
كانوا بيبحثواعن اى شئ يؤمنوا بيه اى اله علشان يحكم حياتهم واخلاقهم
واكيد من غير ما شئ يحكم ويحدد ايه الصح وايه الغلط ويكون ورانا يقولنا ده غلط وده صح
هيكون الصح اللى هوانا يقول عليه صح ونفسنا والغلط اللى هوانا يقول عليه غلط ونفسنا
والنفس دايمن هى اللى بتزقنا لكل غلط
لان النفس غريزة وشهوة لحاجات كتير ومفيش شئ يوقف الغريزة والشهوة اللى جوه النفس الا شئ اكبر من النفس
فهمانى
مش مشكله لو مسحتيه انا بكتب لصاحبة البلوج كلامى بس
تحياتى
سلاااااااااااام
أنا مش مصدق نفسى إنى لقيت السيت ده و مش عارف أكتب إيه من كثر الفرحة
إقرأى البوست بتاعى و إبعاتيلى إيميل
I agree with you with everything although I'm not an atheist maybe I don't have a religion but i believe in god as an existence. but i just wanted to comment on that an atheists are in every place in the world and they exists but you never walk in the street or find them writing about they are atheists and like to be free and do whatever they want so why would you uprise a thought and ask people to join you in it be an atheist and whoever want to be so be as he like but why making groups and going in the street and say we are so or so and there is no difference between us and you and all that fuss
فكرة رائعة فعلا
خصوصا لو كان من اهداف المجموعة التعارف الحى
وستصبح نقلة كبرى لو كان لها برنامج سياسى
اعلن انضمامى من الان
انا مليش دعوة يا افندم
تلاتة بالله العظيم مليش ذنب اني ربنا خلقني مسلمة , لكن بس دالوقت عرفت اني ما دام انا مسلمة يبقى عندي اخلاق , اخمدك يا رب انك خلقتني مسلمة
لكن بيني وبينك ممكن ارتكب اي جريمة واحلف المصحف اني معملتش حاجة
هما كل تجار المخدرات والمرتشين والابتزازيين تحت اسم الدين يبقو دايما شكلهم متدينين ومحدش يقدر يشك بيهم علشان على طول بيقولو قال رسول الله كذا وكذا والطرف التاني يبقى يخشع ويسكت
انا مادمت مسلمة يبقى مليش حق اقول قال فرويد او قال ماركس
بس لاء , واخدة بال حضرتك ؟
اصلي كمان حافظة ايه قال الشافعي ويه قال الحنبلي او ناظم الغزالي علشان لما في مناقشة ضد مناقشتي فانا باخش على طول في المناقشة اللي عايزينها وبيقولو الكلمتين اللي عندهم وميعرفوش يكملو ورصيدهم في المعلومات الدينية فالصو , يعني مفيش , فبينزلو اذانهم لتحت وبيسكتو علشان لا بيفهمو في الدين ولا في النظريات الماركسية او علم النفس او اي ثقافة
بس الصراحة انا لا اقرا اي كتاب منذ السابعة عشرة ولا كنت اذاكر في الجامعة علشان كنت ياستمع للمحاضرات والمناقشات وبعدين اخش الامتحانات وانجح
بالنسبة ان الملحد لازم يكون مثقف ونشيط سياسي , اكيد لاء الا اذا كان عايز يثنع الاخرين بفكرته زي الفيلسوف , وليه زي الفيلسوف؟
علشان دكتور في علوم الاحياء ميقدرش يجاوب على اسئلة في الجغرافية
جزئ من دراساتي هو "تحقيق خاص" يعني البحث في قضايا اللي الشرطة متقدرش عليها او المحامي ميقدرش يجيب اثباتات مادية علشان مصلحة المظلوم او المشتكي فانا بعد ما درس وبدات اشتغل في الموضوع الجميل دا صرت اعرف اسرار الناس وحسيت اني باتدخل في اشياء مش من خصوصياتي ومينفعش اعرف اسرار البيوت , فتركت المهنة لصالح عمل تاني , لكن باستفيد اني باعمل مقارنة بين الاصل وبين التوابع وعلشان اعرف الاقي نفسي بين التخاريف والخثائق وكمان فين بتنتهي حدود الطرف التاني وفين بتنتهي حدودي واكون محترمة الطرف التاني ومباسمحش لاي طرف يعتدي على حريتي بسبب انه بيختلف فكريا معايا علشان اختلافو معايا بينتهي بعد كام جملة حافظهم وميعرفش معانيهم
بلاش اخش على الاديان بالشمال علشان انا باحترم الناس ولا يعنيني الاديان لانها لا تسوى شيئ بدون الانسان , وليس مهما حتى لو كانت ديانة بوذية شريطة ان لا تكون اداة في تنفيذ الجرائم كما نفعل تحت شعار الاسلام
معنا الكلام اننا لا نحترم عقيدنا سواء كانت صحيحة او غير صحيحة وهذا ينبع من عدم احترام الذات
اعتذر عن الاخطاء الاملائية
شكرا
العزيزه روز فكرة المجموعه جميله بس زى ما قالت ناردين بدل مهى قاصره على ناس محددين وسعيها لتشمل من يؤمن بالحريه الشخصيه سواء كان ملحد او متدين او نص نص يعنى خلى الموضوع يرتكز على افكار وليس فواصل ورقيه وابدأى بمصر وبعدين ممكن توسعيها مع تمنياتى لك بالتوفيق
ولكن الالحاد دين اذا كان الدين هو اعتقاد نحن وهم طقوس مقدسات رموز اعلام اقوال ماثورة , ربما استعلاء لا دينى بديل عن الاستعلاء الدينى لا اكتب اليك من تورابورا ولاكن من باريس كنت ابحث عن احمد مطر والتقيت بدزنتك تصفحتها استفدت اعترف بذلك لكنى ربما لن امر مرة اخرى سوف اقول كلمتى وارحل فى هدوء دونما صخب طالما ان حديثك ليس بجديد فيجب ان تستعيدى التسؤلات القديمة مثلا هل لا يوجد اله فى الاساس ام هو موجود ولكن انت فقط لا تؤمنين به
هل هو خلق الكون ثم تركه ام خلقة ثم رحل او انتقل كما عند نتشه مثلا
هل النظام الكونى هكذا يدير نفسه بنفسه ام هو كائن عاقل وله مركز ؤبما ذاكرة تجافظ على بقائه او حركته النسبية
لن اطيل ولا اريد اجابة فقط فكرى ثم لا تصدقى ال حدثك اختم بكلمات لمحمود درويش
كلُّ ما في الأمر اني لا اصدق غير حدسي.
للبراهين الحوار المستحيلُ. لقصة التكوين
تأويلُ الفلاسفة الطويلُ. لفكرتي عن عالمي
خَلَلٌ يسبّبه الرحيل. لجرحي الأبديِّ محكمة
بلا قاض حياديٍّ. يقول لي القضاة المنهكون
من الحقيقة: كل ما في الامر أن حوادث
الطرقات أمرٌ شائع. سقط القطار عن
الخريطة واحترقتَ بجمرة الماضي. وهذا لم
يكن غزواً!
ولكني اقول: وكل ما في الأمر اني
لا اصدّق غير حدسي
محمود دروي
سلام
Post a Comment